Kaspar Villiger

De Kaspar Villiger (* 5. Februar 1941 z Pfeffike, heimatbrechtigt z Seis und z Pfeffike) isch en Schwiizer Politiker (FDP).

Er isch am 1. Februar 1989 in de Bundesrot gwählt worde. Am 31. Dezember 2003 hät er siis Amt abgeeh, nachdem er im September siin Rücktritt bekannt geeh hät. Während siinere Amtsziit isch er de folgende Departement vorgschtande:

1989-1995: Eidgenössischs Militärdepartement
1996-2003: Eidgenössischs Finanzdepartement

Er isch Bundespräsident gsii i de Johr 1995 und 2002 und Vizepräsident i de Johr 1994 und 2001.

Sit em Frühjohr 2009 isch de Kaspar Villiger Präsident vom Verwaltigsrot vo de UBS.^[1]

↑ Kaspar Villiger zur Wahl in den Verwaltungsrat und zum neuen Präsidenten vorgeschlagen (Memento vom 9. März 2009 im Internet Archive). Abgrüefe am 4. März 2009.

[1] Kaspar Villiger zur Wahl in den Verwaltungsrat und zum neuen Präsidenten vorgeschlagen (Memento vom 9. März 2009 im Internet Archive). Abgrüefe am 4. März 2009.

[1]